Pas disa orësh, ka përfunduar mbledhja e kryesisë së Lidhjes Demokratike të Kosovës(LDK).

Kjo është mbledhja e parë, pas një kohe të gjatë që anëtaret e kryesisë janë takuar në zyrat e LDK-së, për shkak të rrezikut për pandemi.

Anëtari i kryesisë, Arban Abrashi pas përfundimit të takimit bëri të ditur se kjo mbledhje e kryesisë ishte e rregullt, dhe  nuk kishte asnjë diskutim të jashtëzakonshëm, raporton arbresh.info.

“Ka qenë një mbledhje e rregullt e kryesisë së LDK-së.  Shkaku i rrethanave rreth COVid-19, kryesia nuk ka pasur takim që një kohë të gjatë, sot kemi diskutuar për zhvillimet e fundit, duke përfshi edhe punën e qeverisë”, u shpreh Abrashi.

Ai, bëri të ditur se temë diskutimi në kryesi, ishte përafrimi i raporteve të Kosovës me SHBA-në si dhe puna e mirë e qeverisë, në krye me Avdullah Hotin.

“Ajo çka mund të themi, është se ka pasur merita të mira dhe fjalë të mira për punën e qeverisë, është përshëndetur përafrimi i raporteve me SHBA, puna e vet kryeministrit dhe posaçërisht edhe e ministrave të LDK-së. Pra thjesht një takim informativ rreth punës së qeverisë ,nuk kemi hyrë në ndonjë temë të nxehtë politike, apo jashtë punës së qeverisë” , tha Abrashi./arbresh.info/